شاهد| رانيا علوانى تعلق على تعيين فايلر: حاسبوا اللجنة اللى اختارت

0 تعليق ارسل طباعة

رانيا كتبت على صفحتها عبر موقع "تويتر": "حد تانى واخد باله أن رياضتنا وأبطالنا السنة دى زى الفل فى كل اللعبات، إلا الكورة، هما دول اللى يستاهلوا بجد عاش أبطال مصر".

ليرد أحد المشجعين من جانب النادى الأهلى، قائلا:"لا إحنا واخدين بالنا من الفشل المستمر فى الاختيار جوه النادى من يوم ما المجلس مسك وكنتوا معشمنا أن النادى فى طريقه الصحيح للإصلاح وإعادة مكانته وفى الآخر طلعنا بنغرق أكتر ما كنّا".

وكان مجلس إدارة النادى الأهلى أعلن صباح السبت، تعيين فايلر لقيادة الفريق بدلا من الأوروجويانى مارتن لاسارتى عقب خروج الفريق من مسابقة كأس مصر على يد بيراميدز.

وردت رانيا على غضب الجمهور قائلة:"إحنا ما اختارناش، اللى اختار لجنة كلكم عارفينها، حاسبوها هى على اللى فات واللى جاى، مش تيجوا على اللى هايرد عليكم بأدب".

وواصلت :"أنا ما عنديش حاجة أخاف منها، ومجلس الإدارة ما اختارش حد ولا المرة دى ولا اللى قبلها، وأظن الكابتن واضح جدا فى الإعلام أن هو محدد اختصاص جهاز الكرة كويس".

جدير بالذكر أن فايلر سيصل إلى القاهرة، غدا الأحد، على أن يتم عقد مؤتمر صحفى يوم الإثنين لتقديم السويسرى لوسائل الإعلام.

 

إخترنا لك

أخبار ذات صلة

0 تعليق